قصة حب(كيف أنزعه)

حبيبتي في الله
رجعت لك تاني
وعارفة إنك أكيد مستنياني

أختي وحبيبتي الغير منتقبة

كثير الأخت لما تنتقب تسمع سؤال :

" ليه لبستي النقاب؟ "ودلوقتي

أنا عايزة أسألك حبيبتي :

"ليه ما تلبسيش النقاب؟"

قصة حب(كيف أنزعه) Faswel2

مممم هتقولي دي مسالة خلافية وفي فقهاء أجازوا كشف الوجه

طيب حسألك سؤال أنتِ بتحبي ربنا ؟؟

طيب عايزة ترضي حبيبك ؟؟

عايزة تقربي منه سبحانه وتعالي ؟؟

طيب ليه ماتخرجيش من الخلاف ده ؟؟

فإن كان فرض تكوني قمتِ بيه وأطعتِ أمر ربك

وإن كان سنة أو فضل زي ما بيقول البعض تكوني فزتي بالأجر برضه

فهو على كل حال طاعة لله جل وعلا

قصة حب(كيف أنزعه) Faswel2

بتقولي : أنا لسه صغيرة وبعد الزواج هالبسه

أنتي فاكرة إنك لما تطيعي ربنا هيحجب عنك رزقه ؟!

لا والله

طاعتك لله عز وجل تجلب لك الخير والبركة في كل شيء في حياتك

وزوجك اللي هيتزوجك لدينك هو اللي هيحبك ويحافظ عليكي ويحسن إليكي لأنه هيتقى الله فيكي

قصة حب(كيف أنزعه) Faswel2

ممم بتقولي أهلى رافضين وموش هيقبلوا

أقول لك
جاهدتي قبل كده قد إيه عشان معاصي ؟؟

طيب متيجي تجاهدي بقي عشان ربنا

ألا تجاهدين لطاعة الله ؟؟

حاولى وجاهدى بالرفق واللين

بالإحسان والبر

واصدقى الله يصدقك

قصة حب(كيف أنزعه) Faswel2

حبيبتي

نقاب الفتاة المؤمنة هو تاجها

فيه عزها وعفتها وشرفها ورفعتها فى الدنيا و الآخرة

ولكنك حبيبتي محرومة..متزعليش مني بس دي الحقيقة..

أنتى فعلا محرومة

اتحرمتى من شيء يقربك إلى الله عز وجل

وأي حرمان أشد من دة ؟؟؟

موش ممكن تفضلي كدة محرومة

هيا حبيبتي

هيا إلى مرضاة ربك

عجلي وسارعي

العمر أنفاس معدودة

والموت يأتي دون استئذان

ومفيش بعد الموت غير الندم على ما فات

فهيا كي لا تندمي يوما

إنتي موش هتندمي أبدا على أنك لبستي النقاب

لكن أكيد هتندمي لو موش لبستيه لما تشوفي اللي سبقوك إلى الرحمن في درجات في الجنة أعلى منك

قصة حب(كيف أنزعه) Faswel2

موش عايزة صحبة الحبيب صلى الله عليه وسلم ؟

موش بتتمني تترمي يوم في حضن أمك خديجة رضي الله عنها ؟

موش نفسك في حديث مع أمك عائشة رضي الله عنها ؟

يلا

إمشي زي ما مشيوا

توصلي للي وصلوا هما ليه

أسرعي إلى ربك

وماتخافيش أي شيء أبدا مهما كان

فربك بيده أمر كل شئ

وإليه يرد كل شئ

قصة حب(كيف أنزعه) Faswel2